مذكرااات شاب يبحث عن الحب, الحلقة الخااااااااااااامسة

قصة جديدة وبرضو هتنزل على حلقاااات ولازم تردوا الاول علشان اكملها
قصة فيها مجموعة اشخاص اكيد موجودة وسطنا يمكن نكون احنا كمان فينا من الشخصياات دى
كل شخصية ليها تفكيرها ولها اسلوبها
قصة اجتماعية شوية يمكن حد فينا عاشها
اقروها وقولوا رأيكم






الحلقة الاولى



حكايتنا هتبتدى مع .شاب زى اى شاب عايز يحب ويتحب ويحس بكل كلمة سمعها فى اغنيه او شافها فى فيلم
شاب اسمه خالد
بطل قصتنا خالد عنده 22 سنه حنعيش معااه الاحداث الجاية



(اول صفحة فى المذكرات)

حاسس ان حياتى وشخصيتى متكونتش النهارده ولا من اعدادى ولا ثانوى شخصيتى اتغيرت كتير فى الجامعه بدات مع اول ايامى هناك مع اصحابى الجداد منهم اللى عاش معايا فى ثانوى ومنهم اللى جديد اوى اوى عليا

دخلت الجامعه بذكرى حب واحد عشته لوحدى وانا عندى 14 سنه لبنت ساكنه فى شارعنا اسمها سارة
سارة رقيقه اوى بنت لذيذه جدا هادية ماشيه دائما فى حالها عينيها كلها غموض
وانا عموما فكرتى عن البنت وشخصيتها مكنتش ثابته لكن سارة الوحيدة اللى لفتت انتباهى للمخلوق ده............البنت .........مخلوق عايش معانا لكنه بالنسبه ليا مبهم عايز ادخل العالم ده افهم عقله وتفكيره اعرف ازاى بيفكر ازاى بيتالم بيفرح بيضحك اى بنت شفتها فى يوم ضحكت او بكت معرفتش ايه اللى فرحها او بكاها
محاولتش يوم اكون صاحب طريقه فى معاملة بنت واصحابى مكنوش مثل او قدوة يحتذى بيها
سارة ككيان انثى شدتنى جميلة جمال متوسط لكن ليها سحر محسيتوش فى اى بنت حسيت فيها حنان فى كل شئ حتى فى مسكة ايديها للكتب والاوراق وهى رايحه او راجعه من دروسها

سارة........سارة.......سارة ملاك ........عشت 3 سنين اراقبها فى خروجها ودخولها
عشت ايام كتير احلم بابتسامتها ورقتها ونبرة صوتها .......حاسس انها من الجنه عمرى ماحاولت اكلمها او اقرب لها خفت اوى تصدنى وانا عموما ماليش تجارب سابقه ومعرفش ازاى اصارح بنت بحبى او اعجابى ومعرفش رد فعلها ففضلت احبها لوحدى واعيش احلامى معاها اكلمها واسمع صوتها دائما جوايا بحلم ديما بأول نظرة ... أول لقاء ... أول لحظة ... عشقت إنسانة ملهاش مثيل بجد اميرة لالالا ملكة قلبى واحلامى

نظرة عيونها ... وأبتسامتها الساحرة دخلت روحي وفؤادي حاسس انى شاعر
حاسس انى عايز اشوف الدنيا بعنيها عايز اعيش لحظات فرحها وبكاها وعندها وتصميمها كل حاجه فيها شدانى

حسيت مع حبى ليها بحاجات جديدة عليا عايز اغير كل الدنيا عايز الغى حدود البشر عايز الكل يعيش معايا نفس الحلم.............يااااااااااه احساس غريب بجد .حتى الاغانى عشت لاول مرة احس المعنى ياااااه اد كده لما بنحب بنتغير واحساسنا بيتحول لجنينه كلها ورود واشجار وسماء وخضرة مفيش لون اسود ولا مساحات للبعد بين البشر بجد عايش دنيا الملائكة حاسس انى صافى من جوايا بجد فرحان قلقان خايف منتظر احاسيس كتير بس بسال نفسى كتير ياترى بدرى احب ولا عادى ياترى هو ده الحب ولا ده اعجاب وازاى اعرف................؟؟؟؟؟؟؟؟؟؟خفت احكى لحد لان استحاله يكون احساسى ده غلط ده حب وحب جنونى كمان ؟؟؟؟؟مش ححكى حبيبتى اميرة لو حكيت عنها الكل حيعشقها
سحر ملوش حدود.............. وفضلت كده لحد موصلنا لنقطه التحول

بعد امتحانات الثانوية العاامة وانا منتظر النتيجه شفت سارة من بلكونه اوضتى بتبتسم لحد فى بلكونه تانيه.......صدمة كبيرة اوى عندى اول بنت احسها واتمناها بتحب ااه بتحب معتز......اخو سامح صاحبى
ازاى قدرت ازاى محسيتش ؟؟؟؟؟؟؟؟؟؟؟؟؟؟؟
وبدات دوامة ولد مراهق حب من طرف واحد وطبعا التجربة فشلت لانها غالبا لاترتقى لمسمى تجربة هى مجرد احساس عادى لاى ولد حب بنت فى فترة مراهقته لكن ساعتها مكنش حاجه عادية كان ثورة ودموع عرفتها لاول مرة وكان صعب عليا احس انى بتهز من جوايا لاحساسى انى مش مرغوب منها او انها محسيتش كل اللى جوايا ليها

حاسس بضعف شديد...........حاسس انى مجروح اوى وتقريبا شهرين ودخلنا الجامعه وسمعت خبر خطوبة سارة ومعتز الخبر كان صعب اكتر لان بكده خلاص اميرة احلامى اتخطفت منى حسيت بجد ان قلبى بيتنزع من جوايا وطبعا زى اى ولد فى السن ده المشاعر بتكون قوية جدا كانت الصدمة بالنسبه لى بمثابه نزيف

صاحبى محمد لعب دور كبير فى حياتى من ساعتها خلانى انسى ووقف جمبى لان حس اد ايه الموضوع اثر فيا بجد محمد كان عاقل اقنعنى انى حنسى وححب تانى وحتحب والنظرة حتختلف كتير
كلامه غريب عليا كانه والدى مش صاحبى محدش ممكن يتخيل محمد اد ايه عاقل و قوى مش جاف لكنه فاهم وبدات اكون واقعى جدا حتى فى احساسى وحسيت ان حبى لسارة وفشلى فى التجربة ديه................مرحلة لحياة جديدة حسيت انى كبرت بجد
ووووووووانتظروا خالد واول اياام الجامعه

لو عجبتكم بقى هكملها ولو مش عجبتكم بقى برضو هكملها






الحلقة التانية بقى مع ان مافيش ردود

الصفحة التانية فى المذكراات



ايام وتبدا الجامعه مبسوط جدا بقدوم الحياة الجديدة حاسس فعلا انى حعيش شئ تانى غير كل اللى مر فى حياتى..............يمكن ناوى اكون افكار عن كل شئ وحعتبر ان الجامعه كوبرى امر من خلاله لحياتى الجاية ........عايز افهم البشر وتصرفاتهم عايز اكون اسلوب فى معاملة كل نوع واتعرف على الطرف الثانى فى حياتى وابحث عن ........الانثى........؟؟؟؟؟؟؟

اول الايام شئ مبهر اتعرفت فى اول يوم على 70 بنت منهم اصحاب اصحابى ومنهم اللى بيجوا مع اى حد نعرفه ويسلموا بكل الفه وحب وابتساامه هههههه كانه فيلم حب فى الزنزانه لما المسجونات يشاوروا بالمناديل للمساجين بقيت اضحك من جوايا باستغراب مجتمعنا لسه مخرجش من قوقعه الولد والبنت وده مش عيب بس استغرابى كان على اسلوب الانطلاق اللى الولاد والبنات بيتعاملوا بيه حسيت فى اول ايامى انى دخلت عالم بناه اصحابه بقوانين تفصلهم عن كل شئ يعوق الاحلام .....عالم اتصرف فيه كما تشاء مالم تؤذى غيرك .....اول حاجه تلاحظها الملابس ....ممممممم اى حد حر فى ملابسه وهيئتها ومكوناتها والوانها حاسس انى عايش جو ناس متمردة على حياتهم وانا كمان معاهم عايز اخرج بره قوقعه حياتى....ايا كانت شخصيتك هنا لن تجد من يضايقك او يعلق عليك انت هناFREE...........بدات اعرف الجروب اللى حستقر معاهم بعد ما قضيت انا ومحمد وحسام واسلام اسبوعين او 3 اسابيع لوحدنا استقرينا مع مجموعه بنات كانوا معانا من ثانوى ومجموعه بنات اصحاب محمد......اكبر لغز قابلته فى حيااتى هو كان بيحبنى جدا وبيقولى ديما انه حاسس بغموض وقوة فى شخصيتى لكن عايزين يتشكلوا صح.........؟؟؟؟؟كنت بسمعه واسكت


البنات
هداية...منى...شريهان....رحااب.....نسرين....واصحاب محمد....رشا حليم...صفاء ....ريم


هداية....طبقه متوسطه لكنها واضح من تصرفاتها عايزة تلفت نظر اى حد بزيادة حرية التصرفات

منى.....بنت مش حلوة لكن دمها خفيف اوى اوى وووووتقريبا زى هداية

رحاب طبقه ارستقراطيه بتفتح الكوتشينه وبتلعب اسكوااش ووستايل اوى

نسرين بنت مؤدبه وعلى قدر متوسط من الجمال

رشا حليم مصرية كويتيه عايشه لوحدها فى مصر متشاركة هى وصفاء وريم فى عربيه لانهم اتعرفوا على بعض فى مسابقه رسم دولية

رشا..........مؤدبه جدا برغم ظروف حياتها وستايل اوى وعلاقاتها كالافلام اصحاب وخروج ورحلات بنت لذيذة

ريم............ عاشت معظم حياتها فى السعودية حلوة بس فرى اوى اوى اوى

صفاء شخصية مجهولة المعالم تايهة وسطنا صوتها واطى لكن سهنه........تسكت وتطلع بكلام

كل بنت من الجروب ده كان ليا معاها موقف واخد وقت واتعلمت مع كل بنت اقابلها شئ عن شخصية البنت
صراحة هما محيرين اوى خاصة انى انسان بلا تجارب ولكنى لاحظت ان اى بنت مهما كانت قوية او عصبيه ليها اسلوب تتعامل بيه منغير اى صراع او مشادات كلامية........
اى بنت محتاجه كلمة رقيقه وصوت واطى ونكته واسلوب مهذب والتعامل حيبقى سهل عالاقل قبل توطيد اى علاقه مع اى واحدة فيهم لان منهم اللى حتكون صاحبه واللى حتكون زميلة واللى حتكون اخت واللى ممكن والله اعلم تكون حبيبه................محتار بجد
كل واحدة فيهم فيها حااجه تلفت نظرك غير التانيه..........الهاديه......الرقيقه.....الشعنونه ...القوية ؟.؟؟الجميلة....الشخصية..........؟؟؟؟؟؟؟؟؟؟؟
محتــــــــــــــــــــــــــــــــــــــار....... .......المهم
محمد وحسام واسلام كل واحد بيتعامل باسلوب مع كل بنت فيهم بس اكتر حد لفت نظرى كالعاده هو محمد...........محمد بيعاملهم كلهم وكلهم بيحبوه جدا او منبهرين بيه بينتظروا مجيئه
حساام ...............مش بيتعامل مع الكل منحصر فى تعامله مع جروب الوحدة العربيه ههههههههه مع رشا وصفاء وريم
اسلام..........مممممممممم.....انا وهو بنتعامل بس لسه لا اثرنا ولا اتاثرنا متهيئلى حنبدا نخطى اولى الخطوات
التعامل مع الكل منحصر فى سلام وصباح الخير ويلا نحضر المحاضرة.........مفيش انطباع او رد فعل ثابت
بدات اقرب من شخصيات محددة
رشا حليم ..................ريم............رحاب............منى..............هداية
نسرين وصفاء كانوا بالنسبه ليا............شخصيات انطباعى عنها مبهم ومفيش واحدة منهم حاولت
اعرفها الشخصيات ملامحها غير مكتملة ومفيش كيميا او قبول.....!!!!!!

شريهان اتخطبت وبدات تختفى بعد اول اسبوع دراسة فااا وجودها تقريبا محسيتهوش

بدات اكون محبوب منهم بيستنوا انى اجى وبدات اولى العلاقات وتصنيفها؟؟؟؟؟؟

استنوا بقى الصفحة اللى جاية




الصفحة الثالثة فى المذكرااات


بدات اعيش ايام الجامعه بكل صخبها وحلاوتها وقلقها وكل جديد فيها استقريت فعليا مع رحاب وندا
ندا........بنت من كلية الالسن بنت رقيقه العلاقه بينا احنا التلاته كانت جميلة جدا وصداقه على محبه لسه مفيش حاجه اتطورت من اى حد فينا للتانى
الغريب هو نسرين اللى حسيت محاولة قرب منها وانا لم استجيب لا اعرف لماذا لكنى كنت ابتعد عنها لاتستهوينى شخصيتها او كلماتها فى الوقت الذى يحاول فيه زميلنا الجديد ايهاب التقرب اليها وهى تبتعد بكل الطرق وتصده ابتعدت وانا متعلق كل التعلق برحاب وندى ......ممممممم ندى تجنن تشبه لحد كبير عروسة البحر التى نراها فى مسلسلات الخيال العلمى والافلام الكارتونيه......ندى بنوته رقيقه استايل متكلمة متفتحه بتفهمنى فى حاجات كتير وممكن تكمل كلام انا بقوله........ندى خفيفه....جميلة جمال اوربى....احنا اصحاب بمفهوم الصداقه دلوقتى بين الشباب والبنات..............بس فيه حاجه جوانا ممكن تكون نبته للحب او لشئ جميل بينا
رحاب صديقتى فعلا بجد اخت وصديقه وانتيم وووووفاهمانى برده وعارفه انا بفكر ازاى
بجد لاقيت حاجه مكنتش اعرفها صداقه البنات جميلة جدا خاصه اللى بتكون كاختك او صديقتك يعنى رحاب عندى لها معزة اكبر من ندى لان انا وندى جوانا احساس في طريقه للتطور انا وهى بقربنا بننميه يوم ورا يوم بنسيب بعض وقت المحاضرات فقط وممكن منحضرش ونقضيها كلام انا وهى ورحاب قربنا اوى من بعض وعرفنا طباع بعض وشفت كل تصرفاتهم ........فترة كبيرة وفكرت فعليا اعيش اول حاله وقصه حب بجد انا والانسانه اللى انامعجب بيها قريبين من بعض فاهمين بعض متقاربين فى حاجات كتير
شاهدت نفسى كثيرا فى عيناها فارس الاحلام شاهدت خوف يوم ان تعرضت لحادث بسيط صدمتنى سيارة لكن لم اصاب بشئ كانت كدمات بسيطه لاقيت ساعتها دموع وخوف وقلق وحنان وعينين بتخبى حاجه.....حاجه حلوة .......عينيها بتخبى لهفة الحب وشوقه. ..............
الوجه الغير ملموس فى حياتها ......هى معاملاتها مع الاخرين فوجئت بندى غريبه مع اصدقاء كليتها استغربت جدا من هذه الفتاة ليست هى ندى التى احببت لفتاتها ورقتها .........ندى بتتعامل باليد وبالفاظ مينفعش تكون بين ولد وبنت شاهدتها يوم اردت ان اصارحها بحبى تقف فى كليتها فى احد الطرقات تستمع لكلمات اتنين من زملائها
حسيت انها بتمثل تتجاذب معهم الكلمات بشكل غير لائق وضحكات عاليه وتبادل للضرب والهزار باليد وبمجرد ان راتنى ارتبكت وبدات ترجع لاسلوبها وعندما لاحظت تغيرى بدات تعرض بشكل غير مباشر اسلوبها الجديد.......انا كده بس انت مكنتش شايف..............هاااااا تكمل ولا نبعد.....بدات ابعد لكن رحاب فضلنا اصحاااب وهى فضلت صاحبتها لكن بعدت فعلا بقيت اهرب من رؤيتها لانها اخدت مكان جوايا
النهارده.........اتعلمت لاول مرة اخد اقلام الحياة وانا صامد واتعلم ازاى انسى.......صممت انسى ندى لانها مش البنت اللى اتخيلتها ولاقيت اننا لما بنميل لحد ممكن كل عيوبه تدارى لان كل واحد عايز يظهر الاحسن وده العادى احنا بشر انا نفسى كنت عايز اكون الاحسن فى عينيها
واستيقظت على واقع غريب جدا
هداية كبنت ........تفكيرها .......كلامها........الانسان اللى ارتبطت بيه
نسرين........رد فعلها...................ايهااااب
ووووووووانا.........خالد مع رشا حليم ورين وصفاااء
انتظروا الجزء الجااااى




الصفحة الرابعة فى المذكرات


خرجت من موضوع ندى اقوى مما دخلته وحسيت ان كل مرة بكون اقوى من اللى قبلها
رجعت لشله الانس والفرفشه هداية ونسرين ومحمد ورشا حليم وريم وصفاء وانا وصلت الان فى اواخر العام الثانى من دراستى امتحنت مع شلتى ونسونى كل حاجه وشفت وشوش واشكال جديدة للشخصياات
هداية بدات اسمع منها كلام واحكاام غريبه خلتنى استغرب ازاى بنت توصل للتفكير ده
رحت فى يوم لائيت رحاب بتعيط وقاعدين عالارض هى وهداية وحسام ورشا حليم وسمعت قنابل كلامية تعالوا نسمع
رحاب بتعيط لانها فشلت فى موضوع عاطفى والظاهر ان الولد خااين
هداية....يابنتى دول صنف ملوش امان المهم حتى لو هو جوزك وشايلة اسمه اللى مش يسوى اساسا متعرفيش بيفكر فى ايه او بيتصرف ازاى

انا....ضحكت ليه كده يا هداية.....احنا طيبين والله وصوابعك مش زى بعضها

هداية .......اسكت انت ندى لسه سايباك ياخسارة تربيتى فيك

انا .........اتضايقت

هداية........بقولك ايه متقلبش وشك عليا هى اشتغلتك وانت زى المدب شربت المقلب ليه كده صغير انت عشان تسيبها تلعب بيك بس عاملى شرلوك هولمز وانت المخ وانا العضلات وراحت باصه لرحاب وقالت......اسكتى بقى ....وبعدين هما كده ربنا خلقهم كده خاينين وبتجرى فى دمهم زى كرات الدم البيضا البشر كلهم كرات دم بيضه وحمرا دول بيضه وحمرا وسودة والوان واشكال وانا فرحانه فيكى احسن عشان تتعلمى ومتعبريش الاشكال ديه يا ام الشحات

انا........مخلاص بقى خفى شوية انتى لسعتى ولا ايه

هداية......انت اصلك طيب يا خالد ملفتش ودورت وانتو صنفكوا لما بيكون طيب بيبقى ملاك غير كدة مفيش حد بيطيقكم

بصيت لها باستغراب ....هداية..!!!!!!تفكيرها صعب جدا ليه كل ده
قابلت محمد وحكيت له قالى ان رحاب غلبانه وطيبه وفعلا اتجرحت من الانسان اللى ارتبطت بيه وسمع كلام هداية لاقيت وشه اتقلب
وقال......حاضر يا هداية وبدات الاقى معارك طاحنه بين محمد وهداية وكانه مصارعه ديوك انتهت بارتباط بينهم ومحاولات برمجه دماغيه بين الاتنين
هداية واضح انها مرت بتجربة جرحتها وخلتها تفكر بشكل جاف جدا وواقعى جدا ومحير جدا بتتكلم وهى فاهمة كل كلمة ووزناها صح
محمد .......متضايق جدا من كونها فاهمة اوى كده وعارفة ازاى تقرا تفكيره لانه اول ما بدا يقرب منها كانت تقريبا عارفه كل افكاره وفضلوا يتحاوروا لحد ما ارتبطوا بس زى القط وخناقه........هداية شايفه محمد كل يوم مع بنت وفعليا مرتبط بيها حاسس انها مدايقه ....مخنوقه لكن الاكيد انه تعبان اكتر منها ........هداية كانها مش شايفه حاجه بتلعب باعصابه ومش مبينه اى غيرة وده معذبه وتاعبه ومحسسه انه مش واخد المساحة الكافيه جوا تفكيرها ومشاعرها.....حاسس انه بيحبها بجد وبدا يقلق من تنفيضها ليه
انا حسيت من الاول ان هداية بالنسبه لمحمد تحدى كبير لانها بنت تفكيرها قوى جدا وهو حب يدخل معركة بين عقله وعقلها واعتقد انها نجحت وانتصرت عليه لكنهم لايزالوا فى معارك شديدة بيم اشد عقلين لولد وبنت
رحاب دبلت جدا وبقت انسانه تائهة فعلا حزين عليها اتغيرت بشكل جزرى تركت اشياء كتير منها الرياضات اللى بتمارسها القطط بتوعها الكوتشينه اللى بتحبها
فعلا اتغيرت وحسيت انها وردة دبلت واوراقها وقعت حاولت كتير اخليها تتكلم وتخرج اللى جواها بس فشلت .......رحااب اتغيرت بجد ولم يبقى منها الا سكوت وتامل وتفكير حاد يشبه هداية بشكل كبير
استغربت .........ايه اللى ممكن يخلى ولد يلعب باحساس بنت وليه انا نفسى مفكرتش اعيش اللحظه وخلاص زى غيرى هل العيب من البنات ولا من الولاد ولا من الظرووف............
حسيت انه صعب جدا اتعامل باسلوب مصطنع حسيت انه صعب اكون مش انا
انا صريح اوى جاد اوى مقدرش العب بمشاعر بنت بدات افكر فى نسرين هى اد ايه تتمنى كلمة رضا منى اد ايه بتحاول تسعدنى وتقرب لى لكن اللى هيه مش فاهماه انى فعلا مش شايفها مش هى الانسانه اللى ممكن احس بيها او اتمناها هى متزيدش عن كونها اختى زميلتى صديقتى لكن دور الحبيبه صعب اعيشه معاها...........
وفكرت انى لو انسان معنديش مبدا حديها اللى هى عايزاه ممكن اتكلم للصبح لكن انا رافض مبدا انى اكون انسان لعبى او مستهتر معندوش ضمير نسرين بتحبنى لكن انا لا ......صعب اوى اعيش اللحظه زى غيرى واخليها زى رحاب اجمل وردة واخت شفتها ادامى بتدبل وتموت .............نسرين بدات تمل جفائى واسلوبى المتناسى لوجودها واهتمامها بدات فعلا تحس كلام وقرب ايهاب وده فرحنى جدا لانها فعلا تستاهل تتحب بس مش انا

انتظروا الجزء القادم